पान १२

आजच्या बोधस्पर्शिका
********************
समज-दृष्टी
---------------
औषध जाते पोटात
तरी दुःख दाताचे थांबते (तसेच)
दृष्टी समजुतीची स्पष्ट होताच
कटकट सुखदुःखाची संपते
***************************
ओळख
----------------
जन्माच्या वेळी प्रत्येक जण असतो
निनावी, अपरिचित, असीम
ओळख मिळताच तो होतो
सीमित....संकुचित.... हीन
**************************
झोप आणि स्वप्न
--------------------
झोप असली तरच
स्वप्न पडते
झोप..........स्वप्न मिटवण्याच्या भानगडीत
कधी न पडते
(विचार... हे दिवसा पडणारे स्वप्नच)
*******************
अरुण

आजच्या बोधस्पर्शिका
********************
आपला-परका
---------------
आपल्या-परक्यांच्या ह्या जगात
आपले आपले एक होतात
राष्ट्र-प्रेम, राष्ट्र-वादाचे स्तोम माजवत
हिसें..घृणे चे बी पेरतात
*****************************
भक्ती ला सीमा नाही
--------------------------
पायरीला केलेला नमस्कार जर
मूर्ती पर्यंत पोहचतो
मग, मूर्तीला केलेला नमस्कार
मूर्तितच कां खुंटतो ?
**************************
निर्बुद्ध बुद्धी
-------------------------
प्रवास करताना गाडीचे चाक
अधांतरी फिरून चालत नाही
अवधान सोडुन चाललेली बुद्धी
कांहीही साधत नाही
*******************************
अरुण

एक गज़ल बोधदायी
*********************
जगाया रे जगातुन सऽर आता
सजग होण्या मनातुन मऽर आता
---------------------------------
चाक जडले अंतरी त्यासी कशाला
शोधता हैराण होतो घऽर आता
-----------------------------------
पारदर्शी शब्द गीता, आंधळ्यांच्या
अडगळीतुन एक पडली भऽर आता
----------------------------------
फोडिले डोळे दिल्या हाता मशाली
अन् म्हणाले जा जगातुन तऽर आता
-----------------------------------
त्या 'दिव्यांनो'- जाणतो तुमची व्यथा मी
कोंडला पुतळ्यात तुमचा उऽर आता
-----------------
दिव्यांनो = दिव्य आत्म्यांनो

अरुण
आजच्या बोध-स्पर्शिका
************************
सार-असार
--------------
सगळ्यांचा संसार एकच
साधु जगतो त्याच्या सारात
तर असाधु ची रुचि
त्याच्या असारात
************************
खेळणं
---------------
बालकाला गुंतवून ठेवतं
त्याचं ते खेळणं
वेगळं नाही...मोठ्या मोठ्या ध्येयां साठी
माझं हे जीणं
********************
स्मृती
------------
पोकळी झाली न् झाली
की हवा त्यात भरते
वर्तमानाच्या शून्याला
स्मृती चटकन गिळते
************************
अरुण

आजच्या बोधस्पर्शिका
*********************
वेगळेपणाचा भावच मूर्खपणा
--------------------------------
माणूस स्वतः पासुन निसर्गाला
वेगळे समजत आहे
जणु बत्तासा साखरेची
चव शोधत आहे
**************************
जसा शिष्य तसा गुरू
-----------------------
ज्या पायरी वर शिष्य त्याला
त्या पायरीचाच गुरू लागतो
जशी मागणी होत जाते
तसाच पुरवठा होत जातो
************************
शोध सत्याचा..... कसा ?
जणु पाण्यात असून देखील
पाण्याचा शोध.....
करत राही........ मासा
*************************
अरुण

म्हातारेपण पाउल छोटे टाकीत अलगद येते
मिळता आदर नव-पीढीचा खरे साजरे होते

सम्मानासह समाधान जीवन मग सुरमय वाटे
वयापरत्वे तक्रारी..... तरि वृत्ति हसमुख राहते

आजच्या बोधस्पर्शिका
**********************
व्याख्या
--------------
व्याख्या सर्वच
अपूर्ण राहतात
सावल्या....चौकटीतुन
हळुच... निसटुन जातात
***********************
शब्द-निद्रा
-----------------
ध्येय,संकल्प,यश,कीर्ती....
असे शब्द शोभतात फक्त शब्दकोशात
यातले हाती काहीच नसते....
त्याच्या..........जो असतो दिव्य होशात
******************************
स्मृती-लीला
------------------
मेंदूच्या स्क्रीनवर
पडतो आहे ....स्मृती चा झोत
जागच्याजागीच माणुस..
हसतोय..रडतोय. .....बावरा होत
*****************************
अरुण

आजच्या बोधस्पर्शिका
**********************
शोधणे नक्की काय?
------------------------
'शोधा म्हणजे सापडेल'-
- असे महापुरुष म्हणतात
पण नक्की काय शोधायचंय ?
हे समजण्यातच युगे जातात
******************************
स्वचालित
---------------
"कुठली तरी सत्ता आहे या मागे"
असे म्हटल्या शिवाय राहवत नाही
खरे पाहता... ढकलत नाही कोणीही नदी
आणि वारा ही कुणी चालवत नाही
**********************************
झगडा सनातन
-------------------
"सुखदुःखाशी झगडत राहणे"
हेच बनते जीवन-ब्रीद
हा झगडा उद्भवूच नये-
याची नसे तजवीज
********************
-अरुण