पान ८

सूर्य-मंदिर खास
------------------
हे खुले आकाश
लख्ख सूर्य प्रकाश
त्या खाली बनवले मी
सूर्य मंदिर खास
अरुण



आजच्या बोध-स्पर्शिका
***********************
आत्मज्ञान
-------------
कांहीतरी पेटवा अन्
अंधार मिटवा
दिव्य-प्रकाश हवा असेल तर
अंधारच पेटवा
............................

मुक्ती
------------
भिंतीवर आदळल्या शिवाय
दार कुठेय ? हे उमजत नाही
भिंतीला जे पूजत बसतात, त्यांना
दार कधीच दिसत नाही
............................

मूळ कारण
--------------
वरवर ची कारणे मिटवून,
होत नाही सुटका
मुळापर्यंत पोहचताच
ज्ञानाचा झटका
अरुण

आजच्या बोध-स्पर्शिका
***********************
चौकस
-----------
पक्ष्यांना ज्ञान नसते
म्हणुन राहतात चौकस
माणसाचा मात्र
ज्ञानावरच फोकस
.............................

थोतांड
------------
उसळण्यासाठी चेंडू
फरशीवर पडतो
माणूस पडण्या आधीच
आदर्श धरतो
...............................

आंतरिक रितेपण
----------------------
माठ पाण्याने भरला तुडुंब
पाण्याला रितेपण कळेना
माणसाच्या डोळ्यात ज्ञानाची गर्दी
दृष्टी ला जागा उरेना

-अरुण

आजच्या बोध-स्पर्शिका
***********************
बुद्धी
---------
संवेदने ची पांच दारे
सृष्टी-विशाल आंत जाते
स्मृती-बुद्धी च्या गुहेत
क्षुल्लक बनुन राहते
............................

पुनर्जन्म
------------
तिकडचा बुडबुडा गेला
इकडे नवीन आला
त्याचाच तर हा
पुनर्जन्म नसेल झाला ?
...............................