प्रेम... काय नाही.. काय आहे ?

प्रेम...  काय नाही.. काय आहे ?
***********************
संबंध अपेक्षा नाते । अंतरी सुरक्षा देते । प्रेम लवलेश नसे ।
पोकळवासे ॥ १
प्रेमा चा विषय झाला । उल्लेख देवाचा केला । स्नेह मना न रसला ।
विषय-प्रेम ॥ २
आचारा दिसतो स्वार्थ । मना लोभे परमार्थ । लावोनी प्रेमा अर्थ ।
व्यवहारास ॥ ३
जोवरि आपला वाटे । ऊर प्रेमाने दाटे । शिवता सशयं काटे ।
प्रेम वीष ॥ ४
प्रेमा चे कैसे विभाग । कुटुंबा देशानुराग । मनं करे हे भाग ।
बुद्धी कपट ॥ ५
(एकूण १६ पैकी हे ५)
अरुण
प्रेम...  काय नाही.. काय आहे ?
****************************
न प्रेमा जडल्या अटी । प्रेम मुक्त संचरती । दुजास असती नसती ।
प्रेम प्रवाही ॥ ६
प्रेम नाही स्मृती-खेळ । नाही विचाराशी मेळ । भूत ऽ न भावी वेळ ।
वर्तमान ॥ ७
वियोगात अश्रु ढळे । नाही ते प्रेमा च्या मुळे । स्वतःस करुणा वळे ।
एकटेपणी ॥ ८
स्वार्थावर जाता ध्यान । होतो मनाचा विराम । दुःख विषाद निष्प्राण ।
प्रेमस्थळी ॥ ९
शोध प्रेमाचा साहसी । अहंकारा ऐसी तैसी । सुरक्षेची पर्वा कैसी?।
प्रेमयोग्या॥ १०
(एकूण १६ पैकी हे दुसरे ५)