१० दिसम्बर

आजच्या बोधस्पर्शिका
**********************
नुसता धर्म-संस्कार
---------------------
दरवाजाशीच थांबुन राहीलो
आंत शिरणे राहुन गेले
हिंदू बनलो..मुस्लिम बनलो
धार्मिक बनणे राहुन गेले
**************************
सम्यक ज्ञान
------------------
एकीकडे पशुत्व...दुसरी कडे देवत्व
टोका कडे होई प्रवास
कधी महापशु तर कधी महादेव
न साधता आला 'माणूस खास'
*******************************
सत्य हेतुविण
-------------------
सूर्य उगवतो....पाऊस पडतो......
नसता कुठलेही...... प्रयोजन
माणसाच्या मायानगरीत
श्वांस घेण्यालाही... लागते धोरण
*******************************
अरुण
आजच्या बोधस्पर्शिका
**********************
अभंगता
---------------------
नदी किती ही शांत तरी
खडा पडताच उठतात तरंग
ज्यांची मने आकाश झाली
किती ही छेडा राहते अभंग
************************
ध्यानस्थ. किंवा डोळस
---------------------------------
'दळण दळणारा डोळस असतो... तेंव्हा
कुत्रा लांबच राहतो
षडरिपुं ही जागीच विरतात.. जेंव्हा
मनाचा गाभा ध्यानस्थ राहतो
*******************************
चिंतन म्हणजे भान
----------------------
चित्ताच्या अतिनिकट श्वासोश्वांस
तरी त्याचे नसते चिंतन
'सत्य' ह्या संकल्पनेत गुंतलेला
त्यावर करीत राहतो प्रवचन
*******************************
अरुण

बोधस्पर्शिका
**************
नदीत लाट उसळते की
ढकलण्यात येते ?
जो जसे बघतो त्यास
तसे दिसते
अरुण
आजच्या बोधस्पर्शिका
********************
आपला-परका
---------------
आपल्या-परक्यांच्या ह्या जगात
आपले आपल्यांनाच जवळ घेतात
राष्ट्र-प्रेम, राष्ट्र-वादाचे स्तोम माजवत
हिसें..घृणे चे बी पेरतात
*****************************
भक्ती ला सीमा नाही
--------------------------
पायरीला केलेला नमस्कार जर
मूर्ती पर्यंत पोहचतो
मग, मूर्तीला केलेला नमस्कार
मूर्तितच कां खुंटतो ?
**************************
निर्बुद्ध बुद्धी
-------------------------
प्रवास करताना गाडीचे चाक
अधांतरी फिरून चालत नाही
अवधान सोडुन चाललेली बुद्धी
कांहीही साधत नाही
*******************************
अरुण
बोधस्पर्शिका
************
मन स्वतः ची जागा सोडून पळत राहते
ह्रदय मात्र जागच्याजागी धडधडत राहते
आणि म्हणूनच
मनाला ह्रदय-स्पर्श कळत नाही
-अरुण
बोधस्पर्शिका
************
वर गगन निळे..खाली धरती काळी
सकलांचा तर...हा एकच देह
प्रत्येक जण वाटतो वेगळा
तरी वेगळा नाही, कारण
सर्वांचा तर एकच स्नेह
-अरुण